Сушарата Ларс, формирана во 1985, представуваше пионерски обид во преработувањето и производството на сушен зеленчук во Република Македонија. Компанијата во 2000 беше целосно приватизирана што овозможи сериозни инвестиции и зафати во технолошкото и производственото надградување на капацитетот. Денес, Ларс има инсталиран капацитет за производство на 250 тони финален производ по сезона и се позиционира како сериозен и доверлив добавувач на сушени производи за своите домашни, регионални и меѓународни клиенти.

Со својот модерен производен погон, и сопствено и договорно производство на земјоделски производи заради обезбедување на суровини, компанијата е способна да произведува високо квалитетни сушени производи во согласност со исклучително високите критериуми за безбедност и квалитет на храната.